O tempora, o moresIuvenis Emmanueli Macron resonantem ducit alapam

Hesterno die Rei Publicae Francogallicae praeses, dum Dronae prefecturae oppidum “Tain-l’Hermitage” nuncupatum lustrabat, a iuvene undetriginta annos nato brachio sinistro comprehensus atque in genam alapa percussus est. Aggressor, priusquam Emmanuel Macron iceretur, bellum incohantium cantum Capetianum clamaverat: «Mons Gaudii! Sancte Dyonisi!» (vulgo Montjoie ! Saint Denis!). Ille vero, cui usus cum flava colobia induentibus (vulgo Les gilets jaunes) intercedit, a byocolitis circumdatus est et in vincula ductus.