O tempora, o moresSophia Loren urbis Florentiae claves accepit

Praeterito Saturni die Sophia Loren, omnibus gentibus nationibusque nota ac Praemio Ansgariano bis honestata, Florentiae in mirabili Palatio Vetere a Dario Nardella primo cive est benignissime excepta. Syndicus vero divinae mulieri in agendo urbis claves tradidit posteaque eius ipsius honoris causa celeberrimum carmen Neapolitanum, cui “Sol mi” (vulgo O’ sole mio) nomen, violina cecinit.