Carolus Watts, inclutus tympanista conditorumque aliquis unus symphoniaci gregis Saxa Volventia (Anglice Rolling Stones) nuncupati, de cuius modorum nutantium seque torquentium (vulgo rock ‘n’roll) laudibus nulla umquam aetas sane conticescet, in Londinensi valetudinario, ubi cordis sectionem a medico vulnerario peractam aliquot ante diebus subierat, placidam mortem, suorum studio officiisque refectus, heri obiit. Qui vero superiore mense Iunio octoginta annos compleverat
