Sacerdotum a Sacro Corde Iesu, vulgo dictorum Dehonianorum, domus editoria, quae Bononiae est, Alberti Melloni, perinsignis Ecclesiae historici, cura librum Synodalitas. Monita adhibenda (vulgo Sinodalità. Istruzioni per l’uso) inscriptum praelo nuperrime dedit. Quod opus aureum praesertimque hisce novi conservaturismi ecclesialis temporibus valde utile CXLIV paginis constat doctissimasque disceptationes ab inclutis theologis, seu Iosepho Ruggieri, Severino Dianich, Marcello cardinale Semeraro, Christophoro Theobald, Declano Marmion, Carolo Maria Galli, a patre Antonio Spadaro S. J., commentariorum Civilitas Catholica (Italicis verbis La Civiltà Cattolica) nuncupatorum peracuti moderatoris, atque a defleto Iosepho Alberigo, celeberrimo historico, sane perscriptas continet.
24 Settembre 2021
O tempora, o moresLiber “De Synodalitate” editorialis domus Dehonianae typis est impressus
Opus, quod Albertus Melloni impenso labore curavit, in Italicis tabernis librariis emi ex hesterno die potest
