O tempora, o moresCarolus M. Viganò omnino dementavit: de eius sententia Coronarium Virus non est

In taenia visifica sacer praesul homines morbo infectos duobus his annis necatos consulto esse nuntiavit

Ioannes Floris diurnarius in spectaculo telehoramico Dimartedì inscripto taeniam visificam, per quam Carolus Maria Viganò, archiepiscopus titulo Ulpianensis et quondam nuntius apostolicus in Civitatibus Americae Foederatis, Virus Covidianum psychopandemiam sane appelavit, nudiustertius vulgavit. Sacer praesul, acerrimus Papae Francisci vituperator, quoque dixit omnia communicationis instrumenta, videlicet instrumenta divulgationis regiminis, constanter tacuisse de illo quod revera evenit atque homines morbo infectos necatos consulto esse. Qui superiore iam anno sanitariam crisin mundialis coniurationis a profunda civitate (Anglice deep state) factae indicium esse clarum in epistula Donaldo Trump missa vero contenderat.

Le newsletter de Linkiesta

X

Un altro formidabile modo di approfondire l’attualità politica, economica, culturale italiana e internazionale.

Iscriviti alle newsletter