O tempora, o moresIn urbicula Raphanousa septem cives ingenti displosione gasali interierunt

Raphanousae, in amoeno Consortii Liberi Municipalis Agrigentini oppido, gasii saturitas copiaque e civico methaniductu emissa immanem diruptionem die Saturni vesperi genuit. Vehementissima explosio parvam urbem conscussit ac quassavit, frequentem eiusdem partem vastans funditusque septem eruens aedes. Tres mulieres et quattuor viri ruinis oppressi perierunt. Duo autem cives amissi adhuc putantur, dum centum tectis carent. Strages nuntiata omnium animos excruciavit ac sollicitavit: inter primos qui se esse afflictos significavere Sergius Mattarella, summus Reipublicae Italicae moderator, ac Marius Draghi, Consilii Administrorum praeses, sane extitere.