O tempora, o moresJoni Mitchell rursus cecinit et citharizavit

Septem annis post cerebri aneurysma, propter quod linguae usum amiserat, praeclara cantrix et auctrix in urbe Novo Portu spectaculum musicum praebuit

Ex Erici Garland breviloquentis pagina

Praeterito die Solis Joni Mitchell, sub quo nomine commenticio, artificum more, sibi adiecto Roberta Ioanna Anderson toto terrarum orbe celeberrima est ac notissima, magna admiratione omnes affecit, qui Neoportensibus Musicae Popularis Festivalibus, vulgo Newport Folk Festival, aderant. Incluta cantrix eademque sive cantus sive carminum auctrix, Branda Carlile suffragante, citharam cum voce movit undeoctogesimum agens annum. Quae vero spectatores commovit flereque coegit: septem anni enim sunt cum ea cerebri aneurysmate correpta est, propter quod tum linguae tum manuum usum diu amiserat. O res mirabilis dictu audituque!

Non si interrompe un’emozione, figuriamoci la Soncini!

X

Linkiesta senza pubblicità, per gli iscritti a Linkiesta Club

Iscriviti a Linkiesta Club