Gravissima pestilentia, quam simiarum virus (Anglice Monkeypox) compluribus orbis terrarum regionibus intulit, praesertim per Foederatas Americae Civitates magis magisque manat. Sex milia Boreoamericanorum et sescenti novum enim morbum periculosumque, qui simiarum variola vulgo, improprie vero, appellatur, usque adhuc contraxere. Quamobrem Xaverius Becerra, a Salute provehenda administer, decretum superioribus horis obsignavit, quo calamitas domestica indicta est.