O tempora, o moresRishi Sunak primarius Regni Britanniarum administer est designatus

Hesterno die in Britanniis, cum superiore hebdomada Elisabetha Truss rei publicae administratione ac factionis conservativae rectione se abdicavisset, Rishi Sunak, Indica stirpe ortus, dexterarum partium illarum rector et Supremi administrorum Consilii praeses factus est. Quem Carolus III, augustissimus Regni Coniuncti Britanniae Maioris et Hiberniae Septentrionalis rex, principem ministrum hodie inaugurabit.