Vincentius De Luca unus est et solus, qui novam conventionem inter Rectionem et Regiones non signavit. Regionis Campaniae praeses, in colloquio televisifico cum Lucia Annunziata diurnaria heri habito, enim dixit Ministerium Salutis sententiam de aliquibus securitatis publicae praescriptionibus suam aperire necesse esse. «Fieri non potest – sic ait – ut Rectio consiliorum omnium onere se liberet. Non est probandum».
Vincentii De Luca fama in dies quocumque serpit. Cuius ob dicta et facta in Veneni Coronarii crise sustinenda ephemeris Gallica Le Parisien illum Regem Italiae nominavit. Fortasse melius eundem nominare Scaenicum Ioculatorem.