Ab hoc die usque proximam hebdomadam ineuntem, qua iter meum per Armoricam perficiet, breviloquia omnino sex scribam. Atqui heri, dum ego et Michael, itineris comes deliciaeque meae, Namnetum feliciter perveniebamus, mors Ennii Morricone, nonaginta unum annos nati, est nuntiata.
In pace requiesce, vir summi ingenii, clarissimus symphoniacorum orchestralium magister incomparabilisque potissimum compositor, qui sublimem musicam immortalibus pelliculis, inter quas memorare oportet Per un pugno di dollari, Mission, C’era una volta in America, Nuovo cinema Paradiso, affabre accomodasti.