Die 17 mense Iulio huiusce anni Sergius Mattarella, Italianae Rei Publicae praeses, plebis scitum de Constitutionis capitibus 56, 57, 59 reformandis indixit. Qua de re omnes cives ius suffragii habentes a die vicesimum usque ad diem vicesimum primum proximi mensis Septembris comitiis parlamentaribus aderunt, ut sententiam ad deputatorum senatorumque numerum minuendum ferant.
Ab Aloisio Di Maio universoque Motu V Stellarum magnopere petitum, plebis scitum, si Constitutionis novandae fautores vicerint, populismo deteriori de facto favebit. Parlamentariorum numeri imminutio, veluti Simon Baldelli, Berlusconianae factionis legatus, in libro Il coraggio di dire no al taglio della nostra democrazia inscripto recte exposuit, pro imminutione iuris ad aequatam procurationem democraticam habendam ut Parlamenti functio in peius vertatur ac mutetur valet. Quapropter, sicut Christianus Rocca, ephemeridis Linkiesta moderator iure meritoque scripsit, negativum suffragium ferre est populismo praesertimque demagogis ac sovranistis pessimo consilio animatis omnino abnuere.
