O tempora, o moresAbhinc XL annos ingens terrae motus Hirpinum agrum quassavit

Papa Franciscus luctuosi eventus illius, qui Italicae Civitati vulnera nondum sanata imposuit, mentionem heri fecit

Anniversarius dies hodie maeste recurrit, quo immanis terrae tremor Hirpiniam ac Lucaniam quassavit, innumera oppida funditus delevit atque tres fere milia hominum necavit. Cuius luctuosissimi eventus Papa Franciscus post marialem precationem, a verbis incipientem Angelus Domini, mentionem heri fecit et, omnes de vulneribus, quas concussio illa habuerat,  nondum omnino sanatis nimirum admonens, Italici populi benignitatem solidarietatemque collaudavit.

X