Factionis, cui est nomen Vis Italia (Italicis verbis Forza Italia), dux conditorque Renati Schifani consiliis inde ab hoc tempore utetur. Praeterito die Veneris Silvius Berlusconi fidum parlamentarium, qui ab anno MMVIII usque ad annum MMXIII Senatus praeses iam fuerat, consultorem suum in publicis negotiis, vacante ob Ioannis Toti defectionem loco, enim designavit. In quo munere senator Panormitanus, humanis politicisque artibus ac mira animos conciliandi facultate praeditus, est sane constitutus.
16 Novembre 2020
