Die XXV vertentis mensis Decembris, quo Iesu Christi nativitas celebratur, televisificum spectaculum “Hac noctu Neapoli” (vulgo Stanotte a Napoli) et ab Alberto Angela ductum per Radiotelevisionis Italicae canalem Rai1 nuncupatum hora vicesima prima cum quadrante transmittetur. Quod de splendidissimae Parthenopes luminibus sane est. Programma vero ab ipso Alberto Angela praeclaro diurnario scientialique divulgatore in conventu diurnariis edocendis, qui in Museo Archaeologico Nationali Neapolitano nudius tertius habitus est, coram Caietano Manfredi syndico expositum est.