Ioannes Franciscus Spadaccia Romae, qua in urbe pridie Kalendas Martias anno MCMXXXV ortus est, inter suorum amplexus necnon Francisci Rutelli, amici carissimi, animam heri exhalavit debitum reddens naturae. Qui Marco Pannella in instituenda Radicalium factione anno MCMLV egregiam operam navavit omnique tempore ne ulla umquam violentia adhiberetur atque quid de civium iuribus deminueretur strenue pugnavit, is semel popularis orator legibus ferendis annuisque tributis decernendis, bis senator fuit.
26 Settembre 2022
O tempora, o moresIoannes Franciscus Spadaccia de vita migravit
Inclutus vir civilis, unus ex Radicalium, quos vocant, conditoribus, in Urbe morte sua mortuus est octogesimum octavum agens annum
