Die Saturni in urbe Carali, dum Georgia Meloni in contionem comitialem ascendit, complures cives, imprimis iuvenes, unum latus plateae, in qua dexterarum ductrix partium, quae “Fratres Itali”, vulgo Fratelli d’Italia, nuncupantur, orationem habebat, pacifice occupaverunt famosae reclamantes mulieri illi. In quos vero biocolytae publicique fiscales impetum magna vi repente fecere nonnullosque de eis ipsis pugnis et calcibus inhumane concidere. Quod ex aliquibus taeniis visificis in interrete vulgatis sane apparet et exstat.
5 Settembre 2022