O tempora, o moresIason David Frank decessit

Hustoniae, in frequenti Texiae urbe, Iason David Frank, martialium artium peritus histrioque, qui universam famam, cum in celeberrima serie televisifica, cui Anglicum nomen Power Rangers, Thomae Oliver personam indueret, sibi emeruit, extremum spiritum die XIX huiusce mensis Novembris effudit quinquagesimum agens annum. Quem vero auctores quidam opinantur se ipsum vita privavisse.