Vido Zaccagnini, qui tricesimum iam annum in Statione Radiophonica Italica, cui vulgare est nomen Rai Radio 3, operam suam praestabat enixam plurimasque moderabatur emissiones, repentinam mortem Romae, in natali urbe, nudius tertius obiit. Quo nuntio adlato, omnes conlegae, auditores, amici, inter quos de Nicolao Lagioia, Lauretana Lipperini, Nicolao Piovani mentionem facere necesse, magnopere doluere virumque illum, cuius dilucidae enuntiationes ad musicae artis historiam attinentes cottidie per undas aetherias transmittebantur, fracto animo laudavere.
29 Dicembre 2022
O tempora, o moresVido Zaccagnini supremum obiit diem
Inclitus musicae historiae auctor, septuaginta annos natus, subita morte extinctus est
