O tempora, o moresCur de Brasiliensi seditione, Matthaee, turpiter taces?

Atqui tu, celeberrimum geopoliticae nostrae ingenium, non paucis officiis Iairum Bolsonaro iterum ac saepius prosecutus es

Ex Alexandri Zan breviloquentis pagina

Omnes gentes, cum Brasiliopoli nequissimos pristini Foederatarum Brasiliae Civitatum rectoris sectatores eiusque partium propugnatores turbulentissimos et in senatorum legatorumque popularium aedes et in Aulam praesidentialem et in postremae provocationis iudicum domum nudiustertius irrupisse et omnia vastavisse audiverunt, foedissimum illud scelus exsecrantur stupore correptae indignationeque accensae. Quod etiam apud nos factum est. Hic ego mirer Matthaeum Salvini, factionis ducem, cui nomen “Societas”, vulgo vero Lega, et A Structuris ante parandis publico operi necessariis administrum, ne verbum quidem de Brasiliensi facinore dixisse? Minime vero. Vir ille civilis, geopoliticae ingenium artis, vel aptius incomparabile politices ingenium ut Alexia Morani per ironiam heri pipiavit, non solum Iairum Bolsonarum sed etiam Vladimirum Putin et Donaldum Trump, famosos perditosque homines, summis crebrisque laudibus ad caelum enim extulit.

Non si interrompe un’emozione, figuriamoci la Soncini!

X

Linkiesta senza pubblicità, per gli iscritti a Linkiesta Club

Iscriviti a Linkiesta Club