Hesternus dies orbi sollemnis illuxit universo, quo die novi principium anni incepit. Quapropter omnia bona, felicia, fausta fortunataque vobis, lectores carissimi ac lectrices, optimaque quaeque iis, quos diligitis, nimirum ominor praecorque. Ut praeterea pax, tranquillitas concordiaque undique regnent ac nefandissimum praesertim bellum, quod Vladimirus Putin, scelestus Russorum dux et crudelis, Ucrainis ultro tulit, aliquando conquiescat, imo ex corde exopto.
