Entius Carra Romae, qua in urbe die VIII mensis Augusti anno MCMXLIII natus erat, post brevem morbum de vita heri decessit. Qui magni nominis diurnarius, Arnaldi Forlani, ab actis Democratiae Christianae, prolocutor terque orator popularis legibus ferendis et annuis tributis decernendis fuit, is in iudicialibus inquisitionibus, quae “Manus Mundae”, Italica voce Mani Pulite, sane dicuntur, summae dignitatis, virtutis animique moderationis periculum fecit. Quo nuntio allato, Henricus Letta, Petrus Ferdinandus Casini, Darius Franceschini, Matthaeus Richetti, Emma Fattorini, Hector Rosato, Raphaela Paita, Andreas Cangini, qui Opus Fondatum Aloisio Einaudi dicatum regit, tanti hominis obitum vehementer doluerunt.
3 Febbraio 2023
O tempora, o moresEntius Carra mortuus est
Famosus vir civilis, qui inter annos MCMLXXXIX-MCMXCII Arnaldi Forlani nomine, ab actis Democratiae Christianae, nuntios dedit, undeoctoginta annos natus periit
