Akira Matsumoto, qui fictum artificis nomen Leiji sibi imposuerat, in urbe Tokio die XIII huiusce mensis Februarii obiisse, annos natum quinque et octoginta, omnibus heri tantum est nuntiatum. Qui vero, cum magnificas imagines lepidas pinxisset ac percelebres libellos pictographicos confecisset, inter quos fabula adumbrata, quae “Harlock Navarchus”, vulgo Capitan Harlock, inscribitur, nimirum eminet, sibi summam laudem peperit divinamque quandam famam emeruit.
22 Febbraio 2023
