In domestico lectulo Robertus Caldwell, omnibus deminutiva blandaque appelatione Bobby notus, qui multos iam annos gravi morbo laborabat, inter amatissimae uxoris brachia die Martis exspiravit alterum et septuagesimum agens annum. Is, nobilis cantor idemque sive cantus sive carminis auctor ac plurium instrumentorum musicorum pulsator, maximam luadem, cum cantionem, quae Anglice What You Won’t Do for Love inscribitur, scripsisset et cecinisset, sibi vivus comparavit.
16 Marzo 2023
O tempora, o moresRobertus Caldwell vita excessit
Clarissimus suarum ipsius cantionum cantor mortem nudius tertius obiit
