O tempora, o moresHodie Italia ab Hitlerianis liberata est et a fascalibus, gaudeant cives data salute omne per aevum

Duodeoctogesimo die anniversario, quo milites populares patriam nostram ex Germanorum invasorum faucibus eripuerunt infandumque regimen lictorium destruxerunt, sollemnes commemorationes sueto more ubique agentur

Ex ratione pipiatoria sodalicii, quod a compendiariis litteris ANPI nomen ducit

Octo et septuaginta sunt anni ipsi, cum Motus fascalium Hitlerianorumque dominatui infensus, qui Resistentia dicitur, turpe iniustumque servitutis iugum ab Italicis civibus depulsit atque execrandam tyrannidem illam evertit. Quo anniversario die laetentur ergo omnes, grato laudantes animo eos qui patriae libertatem restituerunt.

Le newsletter de Linkiesta

X

Un altro formidabile modo di approfondire l’attualità politica, economica, culturale italiana e internazionale.

Iscriviti alle newsletter