O tempora, o moresFranciscus Nuti mortem oppetiit

Hesterno die, cum nuntium de Silvii Berlusconi obitu per undas tum televisificas tum radiophonicas protinus transmitteretur, vulgatum est Franciscum Nuti quoque, qui quartum decimum iam annum iniqua valetudine conflictabatur, Romae in privato infirmorum hospitio, quod vulgato nomine Villa Verde appellant, inter suorum amplexus tempore postmeridiano exspiravisse. Qui eum amavere, semper reminiscentur et recordabuntur, qua artis praestantia, qua iucunditate, qua morum suavitate ille histrio praeditus esset, qui etiam magnam cinematographicarum pellicularum moderatoris, scaenici aptatoris, cantoris famam habuit.