Nudius tertius Elisabetha Midler nuntiolo in Pipiatorio scripto certiores omnes fecit Fridericum Forrest, sex et octoginta natum annos, Monicopoli in aedibus suis, cum iam dies Veneris praeteriisset, diutino morbo periisse. Cui firmissima fuit amicitia cum illa ipsa actrice et cum Ioanne Nicholson, actore haud minus claro, is ex secundis potissimum partibus in visificis pelliculis actis, inter quas opus cinematographicum a Francisco Ford Coppola summa arte perfectum, cui Anglicus tutulus Apocalypse Now, eminet et excellet, immortalem famam laudemque sibi conciliavit.
26 Giugno 2023