In Galliae capite quattuor latrones, quorum nomina nondum cognita, cum heri nocte, fracta sera, Ioannis Aloisii Donnarumma aedes irrupissent, eum eiusque sponsam Alexiam Elefante laqueis constrinxerunt, verberibus affecerunt atque argento, gemmis, monilibus multisque aliis rebus pretiosis spoliaverunt. O perditos et nefarios homines! Ac praeterea, dum Ioannem Aloisium percutiunt, malfactores pedifolli illi Stabiensi, qui in Parisiensi Sancti Germani manipulo, vulgo Paris-Saint-Germain Football Club, ludit turmaeque suae portam custodit, vulnera quoque levia intulerunt.
22 Luglio 2023
