Sexagesimus hodie impletur annus, postquam Afri Americani ad urbem Vasintoniam, ut sacrosancta iura civilia oeconomicaque sibi vindicarent, iter habuerunt atque Martinus Lutherus King, vir aeternae memoriae dignissimus, magnificam orationem, quae a verbis “Somnium somnio”, Anglice I have a dream, nomen trahit, commota voce pronuntiavit. Propterea non est mirandum, si proximis horis Ioseph Biden, supremus Foederatarum Americae Civitatum rector, et Kamala Harris, praeses vicaria, celebris nigritarum Americanorum defensoris illius filios ad colloquium admittent.
28 Agosto 2023