Die Veneris, undecima postmeridiana hora cum undecim minutis, obortus in Marochio nuntiatur terraemotus, cuius hypocentrum in monte Atlantide, tam ingens terribilisque, ut Marrochii, in nobilissima urbe ac splendidissima, magna aedificiorum pars quassarentur, multa oppida corruerent hominumque duo milia centum viginti duo vitam amitterent, amplius vero trecenta milia omnibus rebus orbarentur. Vis concussionis, quae terram sursum deorsum horribilique subinde obscillatione permovit, sex gradibus octoque decimalibus ex Richteriana metiendi ratione aestimata est.
11 Settembre 2023
