Heri omnes Ioannes Alemanno, Urbis quondam magister, certiores fecit de nova secta sua, quam “Forum Italiae in libertatem vindicandae”, vulgo Forum per l’indipendenza italiana, nuncupavit. Quae secta, cum sane Ioannes, nigra subucula indutorum haeres, eorundem doctrinae faveat, extrema dextera scilicet est. Is praeterea nuntiavit, incredibile dictu audituque, Marcum Rizzo, honorarium Factionis Communisticae Italicae praesidem conditoremque extremae partis sinistrae, cui nomen “Popularis suique iuris Democratia”, vulgo Democrazia sovrana e popolare, invitationem accepisse ut die XXVI huisce mensis Novembris conventui, in quo nova secta politica publice instituetur, interesset. Quae res foedus iniquum, vel fortasse melius matrimonium contra naturam, appellari potest.
15 Novembre 2023
O tempora, o moresCONTRA NATVRAM
Nuntiatus est Marcus Rizzo, honorarius Factionis Communisticae Italicae praeses, Ioannis Alemanno, qui praeteriti fascalium regiminis desiderio tenetur, invitationem accepisse, ut, hoc exeunte mense, conventui extremae parti dexterae instituendae interesset
