O tempora, o moresAngela Bottari nobis erepta est

Clarissima mulier civilis, cum quinque et septuaginta annos nata esset, hac e vita discessit

Cum nudius tertius mihi nuntiatum est Angelam, gravi pulmonis carcinomate correptam, in urbe Messana periisse, tum magno et intolerando dolore perculsus sum. Quae vitam suam degit sedulam navans operam in mulierum praesertim hominumque, quos compendiariis litteris LGBT+ vocant, iuribus vindicandis et provehendis, ei egomet fracto animo dico: «In earum eorumque memoria, qui admodum te coluerunt et amaverunt, semper vives. Sit humus cineri non onerosa tuo. Et in pace requiesce, Angela dilectissima, quae semper mihi soror et mater, semper et amica eris».

X