O tempora, o moresCentesima anniversaria a Francisci Kafka obitu memoria

Iunio mense, a. d. III Non., primum revolvetur saeculum, ex quo Franciscus Kafka, qui, inter maximos modernisticos scriptores iure meritoque numeratus, immortali gloria nitet, ad Vindobonam decessit. Qua occasione, clarissima domus editoria, quam Arnoldus Mondadori anno MCMVII instituit, Lucae Crescenzi, magni nominis germanistae ac Litterarum Theodiscarum in Venetiarum athenaeo professori, commisit, ut auctoris illius, qui scriptis suis revera monumentum exegit perennius, omnia opera, in quinque volumina distributa et commentationibus annotationibusque instructa, typis imprimenda curaret.