O tempora, o moresFranciscus Beckenbauer e vita abiit

Omnes gentes, quamvis scirent Franciscum Beckenbauer multos iam annos insanabili morbo laboravisse, magno dolore, cum primum celebratissimum quondam follilusorem tanta gloria pollentem, ut Caesar vel Imperator, sermone Theodisco Der Kaiser, nuncuparetur, in urbe Salisburgo a. d. VII Id. Ian. letum occubuisse audiverunt, affectae sunt. Is vero duodeoctoginta annos natus erat.