O tempora, o moresIn Bibliotheca Gallaratensi magna legentibus exedra Victoriae Amelina dicata est

Lapis Ucrainae scriptricis poetriaeque memoriae inscriptus heri vesperi positus est

Mediolanensis civitas Victoriae Amelina, a sanguinariis militibus Russicis superiore anno trucidata, quae Ucrainorum gentis gloria decusque merito praedicatur, sollemnes honores tribuit. Etenim die hesterno, hora sexta post meridiem, maximum libris pervolutandis conclave, quod est in Bibliotheca Gallaratensi, scriptrici poetriaeque illi dicatum est. Lapidem vero eiusdem memoriae inscriptum Thomas Sacchi, in Municipii administratorum Coetum adscitus ac praepositus Culturae provehendae, coram Victoria Fufalko, generalis Ucrainae consulis vices gerente, Christiano Rocca, moderatore interretialis ephemeridis, cui index Linkiesta, Irena Grusha, Ucrainae linguae et Ucrainitatis scriptorum historiae profestrice, omnibusque praesentibus posuit.

Non si interrompe un’emozione, figuriamoci la Soncini!

X

Linkiesta senza pubblicità, per gli iscritti a Linkiesta Club

Iscriviti a Linkiesta Club