O tempora, o moresPhotographica imago Georgiae in Americanis diurnis, quae WSJ siglis nuncupantur, edita est

Hoc photographemate, ex quo ridiculissima apparet, praeses Supremi Reipublicae Italicae administrorum Consilii in ora hominum pro ludibrio abiit

Ex Marci Fattorini breviloquentis pagina

Nudius tertius Georgia Meloni, quae Italico ministrorum Consilio praeest, cum Angelus Bonelli, Prasinae Factionis dux et orator popularis, eam severe reprehendisset, clamans: «Ne me torvis oculis aspexeris!», primum cachinnum sustulit, deinde ex improviso tunicula caput velavit eademque faciem abscondit, ita ut non modo Publico legibus ferendis Coetui, verum etiam universis civibus triste spectaculum praeberet. Cuius ridiculam imaginem nonnulli photographi luce pinxerunt eandemque, quod gravius est, die hesterno qui moderantur eximiam ephemeridem Americanam, quae a celeberrima “Muri Via”, Anglicis verbis Wall Street, nomen trahit, typis exprimendam curaverunt. Hoc vero photographemate, quod in priore diurnorum pagina apparuit,  Supremi publicae rei gubernandae Consilii praeses in ora hominum pro ludibrio abiit.

Non si interrompe un’emozione, figuriamoci la Soncini!

X

Linkiesta senza pubblicità, per gli iscritti a Linkiesta Club

Iscriviti a Linkiesta Club