Die Lunae Alicia Munro, cum tertium decimum iam annum gravi mentis infirmitate laboraret, Portu Spei (Anglice Port Hope), qua in urbe domicilium habebat, anno aetatis suae altero et nonagesimo decessit. Quae anno MMXIII Nobelianum Litterarum Praemium consecuta est, ea vero, miras scribendo fabellas easdemque in plures libros collectas edendo, immortalem sibi gloriam comparavit.
16 Maggio 2024
