Annus fere elapsus est, ex quo Romae in Petriano Foro, magno congressu facto, triginta amplius mulieres virique, Nobeliano pacis Praemio honestati, una cum Petro Parolin, cardinali publicis Ecclesiae negotiis praefecto, Declarationem de humana fraternitate subsignaverunt. Ad huiusmodi anniversarium celebrandum diem Opus Fundatum “Fratres omnes” (vulgo Fondazione Fratelli Tutti), cui Maurus Gambetti, cardinalis Patriarchalis Basilicae Vaticanae archipresbyter, praeest, auctore Francisco Occhetta, sodali a Societate Iesu, alterum ex universis nationibus conventum fraternitati humanae promovendae paravit. Quae congressio in Urbe proximo die Saturni habebitur.
7 Maggio 2024