O tempora, o moresAbdul Fakir, notus cognomine Dux, mortem obiit

Eximius canendi artifex, qui unus erat ex quattuor conditoribus Americani cantorum gregis “Four Tops”, animam efflavit undenonagesimum agens annum

Ex Ioannae Johnson breviloquentis pagina

Die Lunae XXII huius mensis Iulii Abdul Fakir, “Dux” (Anglice Duke) cognominatus, Detroiti, natali in urbe, inter suorum amplexus, intermisso motu cardiaco, placide exspiravit duodenonagesimo aetatis anno. Qui, ex eo quod celeberrimum cantorum coetum, quem “Quattuor Fastigia” (Anglica lingua Four Tops) vocant, una cum Levi Stubbs, Rainaldo Benson ac Laurentio Peyton condidit in genere musicae, quae Anglica voce soul dicitur, quidem excellens, summis semper exornabitur laudibus.

X