O tempora, o moresAlexander Giuli factus est Culturae provehendae administer

A. d. VIII Id. Sept. Sergius Mattarella, Reipublicae Italicae praeses, Georgia Meloni auctrice, Alexandrum Giuli, duodequinquaginta annos natum, humano civilique cultui fovendo praepositum nominavit eiusdemque fidelitatis iusiurandum in Quirinalibus Aedibus sollemniter recepit. Alexander, clarissimus diurnarius praefectusque Operis Fundati, cui nomen est MAXXI, in locum Ianuarii Sangiuliano, qui ob recentissima scandala gravi Culturae administri munere sese abdicaverat, quidem successit.