O tempora, o moresDe libro qui inscribitur “Il mantello di Rut”

Ianuario exeuente mense liber, cui index est vulgo Il mantello di Rut (Latine “Pallium Ruth”), in lucem prodiit. Quem Paulus Rodari, magni nominis diurnarius, conscripsit eundemque claris domus editoriae Feltrinellianae typis imprimendum curavit. Hac in historica fabula auctor fingit Remum, presbyterum catholicum, nonaginta annos natum, per epistulam ad Aidam Sermoneta, mulierem Hebraeam, missam de se et de amore suo erga Rachelem, Aidae matrem, narrare.