Id. Apr. Georgius Marius Petrus Vargas Llosa, anno MCMXXXVI in Peruvia natus, anno vero MCMXCIII in civitatem Hispanicam receptus, Limae inter suorum amplexus lacrimasque placide exspiravit. In nobilissimae Francogalliae Academiae sodalium numerum adscriptus, a. d. VII Id. Dec. anno MMX Nobelianum Litterarum Praemium, quod Non. Oct. ei tributum erat, Holmiae recepit. Libri suis praestantissimis, inter quos saltem mentio facienda est de duabus fabulis commenticiis La ciudad y los perros (Latine “Urbs et canes”) et La tía Julia y el escribidor (Latine “Iulia amita ac litterio”), monumentum aere perennius sane exegit.
