Messanae die Lunae, pridie Kalendas Apriles, Sara Campanella, in illius urbis Athenaeo medicinae studio dedita, cum viginti duos tantum annos nata esset, in publica via mortem obiit, cultro interfecta. Inquirentibus, in quorum suspicionem de delicto venit, Stephanus Argentino, qui in Saram insano amore ardebat, videtur saevus esse necator. Omnes vero, qui tristissimum nuntium audiverunt, primum dolore obmutuerunt, deinde de nefando feminicidio magis magisque indignari coeperunt.
2 Aprile 2025
