O tempora, o moresXXXVII Librarius ex omnibus nationibus Mercatus

In urbe Pedemontii principe septimus et tricesimus Mercatus librarius internationalis, quem Italica lingua Salone internazionale del libro di Torino nuncupamus, ab Idibus Maiis usque ad ante diem quartum decimum Kalendas Iunias fiet. Hoc anno magno arti typographicae provehendae conventui, quem iterum Annalena Benini moderatrix ordinandum curavit, vulgo titulus Le parole tra noi leggere (Latine “Verba inter nos levia”).