O tempora, o moresOzzy Osbourne vita defunctus est

Heri Ioannes Michael – nomine commenticio Ozzy notus – Osbourne, qui multos iam annos Parkinsoniano morbo afficiebatur, Birmingamiae, in patria urbe, vitam inter suorum amplexus lacrimasque exhalavit, annum agens septuagesimum septimum. Is, peritissimus cantor idemque sive cantus sive carminis auctor, anno MCMLXVIII una cum Antonio Iommi, Villelmo Ward et Terentio “Geezer” Butler celebrem musicae rationis duriter metallicae gregem, qui Anglice Black Sabbath (Latine “Sabbatum Nigrum”) appellatur, vero insituit. Quod musicorum agmen ducendo, immortalem sibi famam adeptus est.