Non. Aug. Vladimirus Zagrebelsky in sua feriis agendis domo, quae prope Gressonetum ad Sanctissimam Trinitatem, amoenum Vallis Augustanae oppidulum, exstat, subito morbo correptus occubuit anno aetatis suae quinto et octogesimo. Qui, Gustavi, Italici iudicum collegii Civitatis formae tuendae quondam praesidis, frater natu maior, iuris scientia excelluit ac multis gravibuque officiis sedulo functus est. Quod ad haec pertinet, maxime memorandum est Vladimirum, cum anno MMI in iudicum Europaeum iuribus hominis tutandis Collegium cooptatus esset, munus sibi concreditum cum peritia et navitate obiise.
8 Agosto 2025
