Primis Octobris mensis diebus, id est ex a. d. V Non. ad a. d. III Non., factio moderata, quam vulgata lingua Italia Viva vocamus, in urbe Florentia tertium decimum suum habebit conventum, qui a ferriviae statione Leopolda nomen trahit. In hoc congressu, ut Matthaeus Renzi, partium illarum praeses, nuntiavit, multa tractabuntur argumenta, ex quibus praecipua de civium securitate, de vectigalibus, de litterariis ludis, scholis athenaeisque, de publica sanitate. Inter autem eos, qui oratorum suggestum ascendent, Matthaei Piantedosi, munerum publicorum moderatoris, Vidonis Crosetto, publicae defensioni praepositi, et Iosephi Valditara, ab institutione meritoque administri, peculiaris mentio, necnon Silviae Salis, Genuensis civitatis magistrae, facienda est.
26 Settembre 2025
