O tempora, o moresPessimus homo ac scelestus

Qui Israelianae Civitatis administris praeest, hesterno die, sexto et vicesimo scilicet mensis Septembris, tempore postmeridiano, in generali Foederatarum Nationum conventu apud Vitreas Aedes, quae Novi Eboraci exstant, allocutionem habuit. Qua in oratione Beniaminus Netanyahu, dum multorum gentium legati, reclamandi causa, aulam relinquunt, summos Rerumpublicarum Occidentalium rectores, qui Palaestinorum Civitatem aperte agnovere, diris exsecrationibus devovit, impudentissima dixit mendacia de Gazae incolarum condicionibus inque eosdem saevam militum Israelianorum vim flagitiose defendit et effrenatam ferociam. Tali modo novum crudelitatis nequitiaeque suae testimonium praebuit.