Hesterna die, septima decima videlicet mensis Septembris, Robertus Redford apud Utae urbem, cui vulgo nomen Provo, mortem in domestico lectulo obiit undenonagesimo aetatis suae anno. Praemio Ansgariano bis honestatus, undecim fere lustra in compluribus pelliculis cinematographicis primas partes vel secundarias adeo optime egit, ut inter maximos huius aetatis actores adnumeraretur. Qui, spectacula cinematographica quoque moderando et edendo, immortalem sibi famam comparavit.
17 Settembre 2025
