Abominandum sane scelus heri noctu commissum est. Panormi, in urbe Siciliae principe, Paulus Taormina, unum et viginti annos natus, cum ante eius publicam potoriam tabernam, quae, prope Theatrum Maximum sita, Siculo sermone O Scrusciu dicitur, rabiosa esset orta rixa eandemque ad sedandam ille ipse iuvenis se interposuisset, neci occubuit. Quam effrenata cum violentia, horribile dictu et auditu, Caietanus Maranzano, summae vir improbitatis, innocentissimo Paulo patravit.
13 Ottobre 2025
